لما نحن نتلاقى عصافير الامل بتصحى .. تغني توشح ذاتنا بالفرحة.. نقول ليكم سلام مرحب عدد ما جرت السبحة.. عدد نقط المطر في الغيم وشوق الماحي للمدحة وفاء واخلاص وداد وحنين لمحتك نجمة ضوايا.. كتمتك فرحة جوايا .. يا غرامك موجة بتعاند تمرجح زي سفن جايا .. عشقتك في زمن قاسي.. كتمتك جوا أنفاسي .. عذابك سكة ممتدة.. مداخلك صعبة للغاية .. بفتش في سواحلك طاشي.. أريتك تبقى مرسايا. وأعاين ليك بلد ممتد .. وصوت طمبور .. نسايم ليل وريحة ند. وأحسب الدنيا لحظة فأل تلاقي ظلال.. عيون مرسال.. بشارة خير.. باقة ورد .. وأعاين ليك حنان يمة.. ونضال بابا.. وعيون تتضارى جذابة.
